香港股市 將在 2 小時 19 分鐘 開市

傳會有「提款法」?

今朝早收到朋友嘅朋友傳來whatsapp短訊,話有「金管局員工爆料」,「提款法實施在即」、「每日上限為$4000」云云。

今時今日睇呢類「朋友嘅朋友話真」信息,真係要抱懷疑眼光去睇,就算眼見都未為真。

根據爆料,銀行體系港元流出嘅情況係極為嚴重,「ATM機出現排隊撳錢情況」,還說「港元結餘正以光速地流失」、「機構投資者大規模走錢」,而為「阻止市民從中資銀行攞錢」,所以會有提款法云云。

所以,最終都係歸咎於ATM機無錢。

但據金管局發布的《2018年年報》截至2018年底,流通銀行紙幣總值4838億港元,滙豐、中銀、渣打的紙幣流通金額分別為58%32.3%9.7%,而由認可機構持有的法定紙幣及硬幣則有261.85億港元,理論上,只要有足夠人手提走261.85億港元(50萬人每人約5萬蚊?),就能令到銀行無錢,但盲點是,ATM機既然都補唔切錢,試問又怎可能在短時間內提走該筆現金呢?

以最新金管局公布9月份香港外滙儲備數字,有4387億美元,按月回升1.36%,有專家則以香港資金淨流入睇,資金流向雖已退潮,但仍有年增長7%,未穿零,更未出現負增長。

至於5月至8月份,港元存款累跌,但另邊廂美元存款持續上升,目前港元計貸存比率為90.1%等等,所以除非美元最終流向體系以外,否則到目前為止最大影響,頂多是銀行的鈔票物流。

還未計,銀行體系現款是個流動概念,提錢的同時,亦會有人存錢,像浴缸注水一樣,你抽水走的同時,也有注水,要達到乾水,會比你想像中的還要慢。

高盛估計,過去三個月本港存款流出至新加坡的規模介乎30億至40億美元,但新加坡金管局稱未發現有該現象。

即使發現,有錢人走資與民間走資是兩個概念,限制提款對有錢人其實無影響,如果你有4億喺戶口,你應該唔會用提款方式走資。

如果單純民間走資,限制提款更無逼切性,除非中國有其他政治原因,想搵借口對香港正式進行資本管制啦。

===============

精選資訊網站「中環街市」  臉書粉絲頁