兩萬幾蚊一個電飯煲?
疫情下,人人都DayDay Cook,就連小家電都留意多咗。
大家估下,最貴電飯煲到底幾多錢呢?你可能會答一皮,市面就一直賣開一款,話粒米會喺飯煲入面翻騰「跳舞」,令粒米全方位受熱。
但原來一萬蚊一個電飯煲已經便宜,國產美的就有個電飯煲,售價足足21000人民幣﹗令人嘖嘖稱奇。
該電飯煲號稱叫「COLMO BLANC煮飯機器人」,有AI「神經系統」監察煮飯過程。內置8mm鏡頭,系統會透過大數據,用百萬分之一秒時間辨識白米,再根據有關粒米嘅分析去精準加熱,令每粒米都能均勻受熱。據說呢個「神經系統」背後,廠方已讓系統對照過數萬次不同白米形狀,再透過大米模型加水加熱。
中國呢幾年發展AI同數據化智能家電不遺餘力,估唔到亦應用到電飯煲上。
如果有留意內地白色家電三巨頭的情況,會留意到,美的就係因為上述呢類多元化業務,所以受空調市場下滑的打擊最少。今年上半年,美的無論是在京東定天貓,都係家電全品類銷售第一,網上銷售規模已超過430億元,同比增幅30%以上。
聽落,呢款智慧家電好多似好勁,但如果你問煮出來嘅米有乜唔同,或者可能都只係「好食咗」?
(PS:部份日系電飯煲還有減糖功能呢)
===============
精選資訊網站「中環街市」 臉書粉絲頁