香港股市已收市

八達通推商用版 仍未可以秒殺微信(石先生)

擁有香港小額電子支付具絕對領導地位嘅八達通憑著其公共交通工具嘅競爭優勢一直以來都輕輕鬆過生活,但當 bitcoin 都突破 US$10,000 大關,阿叔阿嬸都識用手機嘅時候,咁多年來無咩進步過嘅八達通面對極積極搶攻市場嘅支付寶及微信支付終於都做番啲野啦!

八達通今日剛剛宣佈與其他競爭對手睇齊支援 QR Code 付款,推出一個名為「商用版八達通」嘅手機 App,商戶交低商業登記或有效證明文件就可以申請,唔駛租機費,而且由今日起至 2018 年都唔收轉賬費,收到嘅錢可以即時轉入銀行。

Startup 嘅語言來講,八達通今次可算係顛覆咗自己收費模式。以往商戶想用八達通收錢,一來要租機費,二來要手續費。呢兩樣費用對於微企、小企來講真係慳得就慳,但今次唔駛租機費,真係大大降低門檻,對於香港嘅微企來講確實係一件好事,起碼叫做試得過,而八達通也可以進一步增加自己嘅覆蓋。

八達通今日剛剛宣佈推出一個名為「商用版八達通」的手機 App。

八達通雖然顛覆咗自己,但「商用版八達通」App 同唔少人心中能夠追上潮流嘅手機支付仍然有一段距離。今次八達通係科技上有進步,但用家手上嘅八達通與手機裡嘅 O!ePay 始終係兩個戶口,八達通有錢但 O!ePay 無錢你仍然要增值。八達通公司一日不解決這個一人兩戶口嘅死結,即使未來做到 O!ePay 手機輕觸俾錢,都未必能夠秒殺對手。

作者:石先生(科技博客Stone IP

19+精選推介︰

業界:全港僅2030個的士司機拒載

【公屋富戶】無業22歲女大肚 母親送300萬做首期

孝順仔千里歸途 只為送一封信

腦細請人條件︰食飯要夠快!

回帶︰森美教你做人

【熱話】你的地址如何,人工也必如何

最麻煩女同事 通常叫Sarah

塊面有疤唔靚仔?研究話係女人最愛

【熱話】有丁權男同事 係人生勝利組

香港都掃緊低端人口

網紅打泰拳 熱血宣言勁勵志

空姐轉行做律師 遭遇離奇過劇集

MV出現香蕉奶 女歌手被囚七日

===============

財經精選資訊網站「中環街市」  臉書粉絲頁