雅虎香港財經 
公司四大度縮位 嚴重影響員工效率
做打工仔女嘅，試問有邊個返工無試過分心？尤其係中小企嘅打工仔女，其工作效率可能偏低。外國有數據指，佢哋每日工作生產率，平均只有15％至20％，其餘時間好大可能係窮忙。
其實，打工仔女工作效率低，好多時係公司一手造成。據《The Southeast Sun》專欄提到度縮公司破壞員工效率嘅4件事，一齊睇睇自己係咪「苦主」啦。
1. 公司電腦係「龜速」
開機又要等，開個word又要等，開張相可能hang埋機。熱血開工，卻敗在又慢又鈍嘅電腦手上，最慘係老細認為只係你手腳慢。
2. 「工具」唔齊全
電腦所需工具軟件唔齊全，自行東湊西湊，又要時間；有時更新下載，又要等一段時間。無法按時完成工作，影響到其他部門，到時受千夫所指，真係非常無辜。
3. 工作環境太「開放」
研究指，開放式辦公室會讓打工仔女有種壓迫感，感到唔自在，注意力因而變差；另外亦會減少約七成同事間面對面交流機會。
4. 請假休息難過登天
研究指打工仔女要定期「熄掣」，放假減壓和充電，先有動力再向前衝，提升工作效率。可惜一提請假，有啲老細立即黑面；就算批假，你放大假繼續「追魂call」傾公事，認真瘋狂。
如果你公司都有以上情況，真係要考慮，到底值唔值得做落去。
===================
19網輕鬆爆料熱線，歡迎舉報老細同事19惡行，立即click入去講畀我哋知啦
