再爆疫情 國泰如何求生

.

本港爆發疫情第二波，兩大「苦主」海洋公園同國泰，前景真係不敢想像。

尤其係國泰，即使港府注資，但航空業幾乎肯定繼續停擺，前景暗淡，而最近有報道指國際市場掀起「拒搭潮」，甚至有人要退出會籍。國泰未有就此事回應，但未來生意慘淡，基本上是已成定局。

之不過，今日台灣有單大新聞，可對國泰起到醍醐灌頂作用，就是當地航空業界與官方開會，決定推出「偽出國」的「搭機環島」遊程，以挽救航空業界氣氛。市民可照買機票，通關、安檢、進入管制區，一切都似去旅行；上機後，飛機環島一圈後就回機場降落，乘客照食飛機餐。

.

機票售價預計約2000、3000元台幣左右，雖然只係純搭飛機，並無「離境」，但新宣傳已引起廣泛討論。

如果國泰照炒，亦可推香港島瞰遊，加設本地導賞員，助大家一次過睇清楚香港上空夜景或日景，同樣有飛機食；由於飛機沒有真正「離港」，國泰應該可以在飛機餐上花點心思。

獨立機艙服務

如果嫌起飛成本高，國泰不妨參考外國車場改裝影院，甚至配合AR/VR，飛機場、飛機艙也是很好的睇戲場地，如果可以模擬空姐空少送餐服務，自然更加吸引。形式上，可包機，可專機，可化身Party room，讓市民感受，過往只有私人飛機才有的服務。

上述吸金package，理論上只要符合限聚令和報名前要申報健康狀況，要推行不是難事。關鍵在於一個「真」字，要令人有置身於搭飛機去旅行的感覺，港人去唔到旅行的「安慰市場」，隨時有機會殺出血路。

===============

精選資訊網站「中環街市」 臉書粉絲頁

【相關搜尋】擬成立「香港紫荊航空」