香港股市 已收市

凶房思考:還記得長洲東堤小築嗎?

五星級酒店發生驚人韓國商人殺妻兒事件,又再勾起大家對誤住酒店凶房的恐懼。想減少中伏機率,其實可以從金錢及人性角度去思考。

住慣超豪酒店的有錢人,當情緒低落時,自然反應係對自己好一些,所以更不會降呢改住中價酒店,甚至會選擇更貴價的房間,期望做傻事前都可以盡情享受一下。

除了要再豪一些,另一線索係傾向會住得高一些。心情低落時,人不其然會想望山望海,只要手上的信用卡仲用到,都想進駐可以居高臨下遠眺山景海景的客房。按此推斷,摩天大廈級的超豪酒店,較不超過十層的星級酒店,似乎較容易獲得失意富人垂青。例如今次出事的酒店,去年便曾發生富家女輕生事件。

除了富人,中產人士一時諗唔通,只要荷包鬆動,都會想到應該要豪一次,同樣會選擇進駐超豪酒店。至於窮人一族,失唔失意荷包都係乾塘,住酒店都係被迫選擇最廉價級別甚至要進駐賓館。換言之,中價酒店獲諗唔通想做「傻事」的人看中的機會,反而較超豪酒店及特平酒店為低,如果你對凶房心存恐懼,選擇中價酒店可能會較穩陣。

提起酒店凶房,又要順帶一提一項投資風險,就係你的私房賓館可能因為凶房效應而永不翻身。最經典例子是曾經為燒炭勝地的長洲東堤小築,話說2003年香港樓市陷入前所未見的低潮,當年曾聽聞東堤小築有單位放盤只索價三十多萬大元。不過當年即使有勇者出手執平貨,參考去年成交紀錄,東堤小築四百多呎單位成交價竟然只是百三萬大元,可見凶房對物業貶值的威力。更要命的是,一時想不開的人通常無心機篩選租房目標,故此偏好選擇做「傻事」熱點,你名下的兇房曾有人做傻事,就會一不離二、二不離三。買一個細單位做共享賓館看似本小利大,但散租住客做傻事風險無疑較高,所以都係嗰句,世上豈有免費午餐,凡事都有其機會成本吧。

19+精選推介︰

夏威夷誤發飛彈警報搞出亂倫事件?

睇意大利鹹片意外發現1976年香港

大陸結婚新玩意新娘飛頭紗扮水母

住遠啲唔帶con 就係女人青春秘方?

孩子只考60分媽媽處理手法獲激讚

一口包扮口技狂人做晒日本地鐵聲音

「演繹」先人孝女喪禮送行者以哭泣為職業

64%打工仔死頂帶病返工

【神分類】如果以動物來形容打工仔…

凶房思考:還記得長洲東堤小築嗎?

00後街訪震驚大人︰FB係老嘢先用

60秒短講話你知酒量可否練出嚟

2017年樓市的上升真相

超癲日本遊戲 40度斜台奪寶

深井業主可能要多謝高鐵

===================

19網輕鬆爆料熱線,歡迎舉報老細同事19惡行,立即click入去講畀我哋知啦