香港股市 將在 2 小時 11 分鐘 開市

【勤工的決擇】打工仔救跌倒阿伯 返工仍當遲到

有打工仔尋日喺社交媒體分享佢朝早返工前遇到嘅事,引起唔少網民對於「返工第一、見死不救」嘅討論。 

話說呢位打工仔尋日返工前於某連鎖食肆食早餐,突然見到有位阿伯失平衡跌倒,頭部出血,於是報警。 

由於差不多遲到,所以呢位打工仔就whatsapp咗以下呢一張相片返公司: 

(當然呢張相都俾人擺咗上網)

之後再補個電話返公司交代情況,問公司呢種情況下遲到點處理。點知HR同事竟然反問佢:「 點解係你報警唔係職員報呢?都係當你遲到囉,公司冇呢類情況指引。」 

呢位打工仔聽到後簡直反晒白眼,心諗:只係盡公民責任,普通市民都報得警掛?

而呢位打工仔仲發現到另外一個現象,就係不斷叫其他幫手報警都冇人願郁,現場得三個人及遲來嘅保安幫呢位伯伯,其他人包括現場食肆職員都冇一個肯幫手。令人感歎香港人「返工第一」嘅冷漠特質。 

事件引來網民激烈討論,有人覺得HR同事嘅答法好正路,佢只係表達自己意見,唔通代老闆答無問題、唔當遲到? 

至於食肆員工唔幫手,有網民就解釋,好多時職員及經理唔報警,係因為怕寫report,因打工心態hea做。

唉,職員又唔救,途人要返工個HR又覺得唔使救,小編真係無法想像,最後可以點做?

來源:facebook「大埔Tai Po」群組 

===================

19網輕鬆爆料熱線,歡迎舉報老細同事19惡行,立即click入去講畀我哋知啦