香港股市 已收市

哈里王子都要搵食?

.

哈里王子與愛妻在未與嫲嫲商量之下,突然宣佈淡出英國皇室,說要努力達致財政獨立,會在英國和北美居住,創立慈善基金會。

“As they step back as senior members of the Royal Family and no longer receive funding through the Sovereign Grant, they will become members of the Royal Family with financial independence which is something they look forward to.”

根據外媒報導,淡出皇室一啲都唔好玩,其實意味哈里王子隨時損失了上千萬美元收入。每年他與威廉王子,合共領公帑約954萬美元,還有603萬美元「非官方支出」以及父親的934萬美元「零用錢」。

.

外界關注,如果斷水源,連王子都要落民間搵食時,佢可以做到啲乜?

𡃶老婆做愛妻號當然可以,因為太太梅根本身都有份不錯收入,根據Forbes估算,之前單計梅根演出Suits,已經年賺緊45萬美元酬勞,同皇室係無得比,但絕對夠錢養家。

嫁入皇室前的梅根係一位相當成功嘅演員,原本經營得好好地嘅生活網站The Tig,於2017年宣布結束,同年與哈里王子訂婚,當時大家都覺得梅根係想專心行皇室條路。兩人於2018年步入教堂,梅根正式進入皇室家庭。

但以梅根事業計,其實是無疾而終,如今生活相對自由,重開IG,做KOL賺錢也未為不可,目前外國已有評論估計The Tig會重開,大家要密切留意。根據估算,The Tig至少可以有每年11萬美元收入。

The Tig於2017年結束

但哈里王子身為老公,點都要做啲嘢,佢大可參考前美國總統奧巴馬,夾Netflix拍生活片。有傳奧巴馬「片酬」至少達6000萬美元,以哈里的經歷和家庭生活,絕對可以更多。

奧巴馬太太米歇爾寫書,賣回憶都至少穩袋6500萬美元,哈里王子兩公婆可能少啲,但絕對可以幫補家計。

仲有哈里王子個仔阿奇,雖然據了解阿奇應該暫時都唔會「淡出」皇室,但長遠父子兵可以諗下點吸金。

其實有「軍人」背景嘅哈里,仲有招最強吸金策略,就係軍事玩具了。去年年底美國先有玩具廠商話要拓展女性軍事玩具市場…哈里大可以參考youtube開台賺大錢嘅Ryan,同太太一齊經營「開箱」賣軍事玩具,話唔定可以殺出藍海新血路。(嫲嫲會唔會有微言就是後話了)

.

太太繼續做演員,哈里偶爾做清淡節目,寫書賺版稅,其餘時間專心慈善,應該係王子的理想生活?

當然,哈里王子在社交媒體上其實大有潛力吸金。

唯一關鍵係,以其手頭上的「穀種」,淡出皇室後可以食到幾耐。翻查資料,據2018年的估算,梅根的個人資產,只有5百萬美元,其實唔多夠做,但呢方面,就反而可以靠返老公,據報導哈里王子在他30歲時,繼承了已故母親戴安娜王妃的遺產,身家都有6000萬美元,作為「穀種」都絕對夠晒用吧?

.

===============

財經精選資訊網站「中環街市」  臉書粉絲頁