員工App流出「美心版圖」

講到營商之道，其實無乜邊幾間及得上美心，點解咁講？唔係幫佢賣廣告，而係尋日開始，網上就開始流出一個暫時只有員工才可以登入的手機app試用版，重點係，個app透露咗美心喺香港嘅飲食王國﹗

以下就係「美心版圖」：

網民話最神奇係，美心並唔係上市公司﹗

睇開財經嘅你都知道，唔講怡和同美心家族之間嘅合作，單就美心近十多年的發展軌跡，比起好多香港老品牌都「醒目」，一來唔會勉強將舊品牌翻新、唔會下下要金碧輝煌；二來專注吸納不同品牌經營權，唔同Class、唔同客路都通殺，所以見到Urban Bakery、Simply Life時你會聽到：「吓，乜原來呢間都係美心？」近年甚至連Cova都係由美心經營，好多女士食完，都未必會知道，原來自己個胃，都仲幫趁緊「美心」。

（圖片：上網搵到個App，只有推薦編號同員工編號，先可以login）

從「美心版圖」可以學到幾件事，第一，就係包裝永遠最重要；第二，老品牌索性做回本業，有自己優勢；第三，低調反而可以避免濫用市場優勢，不會被批評飲食霸權。

疑似員工仲爆料，話呢個未出街嘅App唔多好用，我哋嘗試成功下載，但就要有員工編號先可以Login，各位讀者又有無邊個成功登入呢？

來源：連登 ,美心點解要分身

【相關搜尋】美心點解要分身?

===============

財經精選資訊網站「中環街市」 臉書粉絲頁