四叔欠阿叻一個交代
四叔退休了,最感慨嘅,應該唔係跟開「亞洲股神」搵食嘅散戶,而應該係,苦戀美麗華多年嘅阿叻。
李兆基為保故友楊志雲基業,當年與李嘉誠交手一役,最為人津津樂道;原來70至80年代做股票經紀出身的阿叻,於1989年開始,便以每股兩蚊購入美麗華,據他自言是對創辦人家族有信心,當時差不多投入9成身家吸納股份,計劃用作養老之用。
93年恒基全面收購,他沒有賣;到2006年,股價過了10蚊,他也沒有賣,甚至公開教人:「收高息好過放紅簿仔」。
有指阿叻愛上美麗華,是因為他的賭馬師傅莊永昌教路,但觀乎阿叻透露過買開的股票,大部份都是和黃(當年)、中電一類,美麗華本身,又的確係阿叻杯茶。
只是如果要養老,長期唔太郁嘅股價,又真係有啲難。
今天有文章(股榮的《收購美麗華與李嘉誠反面 鋪路30年後大茶飯?》)寫美麗華酒店可以與香檳大廈一併重建,可能就是當年四叔收購戰的終極目的。如果到時「釋放價值」,阿叻筆養老金又真係應該有著落,可惜的是,四叔已經退休,在退休前,還是無法給阿叻一個交代。
===============
精選資訊網站「中環街市」 臉書粉絲頁