壹傳媒市值一度超過TVB
呢兩日香港人不論政治立場,都有留意傳媒股。風眼中的壹傳媒重上1蚊不特止,計計埋埋升超過十倍,有傳媒主編自言「半小時內賺了半個月人工」,但買入與支持黎智英無關。另邊廂持政治立場買入的人,則要面對「止唔止賺好」,同「理念到底值幾錢」等問題。
不過筆者想講嘅係,如果根據(1時45分)股價,壹傳媒報1.56,市值達到41.12億,已經超過38.89億的電視廣播(TVB);之不過好快壹傳媒又報返1.47(2時16分),市值於38億「上落」。
TVB近年常予人守舊形象,「超越TVB」有如改變時代的指標,之前疫情受惠股HKTVmall,雖有港視之名,但無影視之實,都被拿來「超越TVB」…如今連壹傳媒,都一度超過TVB。
其實,壹傳媒與TVB廣義來說都係同一行業,據了解壹傳媒亦有段時間都有「開台」的想法,只是如今網絡頻道遍地開花,電視台運作模式早已作古,才不致於拿兩者來比較。
其實在借百樂門殼上市後,當年壹傳媒股價最高上5.8元,係一個市值達97億嘅傳媒王國,後來網上生意泡沫爆破,加上蝕錢、政治封殺、競爭對手出現、改革不成功等原因,先跌到變仙股、毫子股。勢估唔到,創辦人「送頭」之後,竟然重現了部份昔日傳媒大亨的榮光。
===============
精選資訊網站「中環街市」 臉書粉絲頁