【夏天又有乜好怕】內地打工仔有高溫津貼
早排天氣熱,行步路返工都全身濕晒,令人幻想如果呢個世界有「高溫假」,會係幾咁美好。高溫假就冇喇,但個別國家或地區曾經因為太高溫而為員工帶來特別假期,亦有地區因高溫而用電過量,令用電量的大企業被迫停工,變相打工仔又有假放。
在內地,打工仔雖然冇高溫假,但目前內地至少有28個省份有「高溫津貼」,即係室外35度、室內33度的情況下,打工仔會有100元至300元人民幣不等的津貼,發放期由3至7個月不等,唔包括基本工資。
北京、山西等北方地區的發放時段係6到8月,海南省的發放時間長達7個月,為4到10月。今年仲有多個省份上調咗高溫津貼,好似江蘇省由每月200元加到300 元;最低係廣東省,每月只有150元。天津市雖然每月標準係168元,但按日計係最高,每日有31 元,高過上年2元。 所以津貼呢家嘢,真係估你唔到,最好每個季節節氣都有津貼,好似春天有潮濕津貼、秋天有乾燥津貼,而冬天有埋冬眠津貼,咁就皆大歡喜了!
===================
19網輕鬆爆料熱線,歡迎舉報老細同事19惡行,立即click入去講畀我哋知啦