外國公司萬聖節 打扮小貼士
10月尾,唔少公司都會搞萬聖節派對應節,但打工仔女究竟要點樣打扮,先可以玩得盡興,而唔會掃大家興呢?有外國職場專欄提到,打工仔女在萬聖節派對「扮鬼扮馬」嘅小貼士,大家不妨參考一下,攞個靈感。
1. 避免恐怖喪屍裝
喪屍或吸血鬼都係萬聖節熱門打扮,自問駕馭到可愛或型格路線嘅人,扮鬼確係唔錯嘅選擇;但若整到成身血跡咁逼真,令到人見人驚,仲要嚇親主管,就同公司派對嘅歡樂氣氛唔多夾啦。
2. 團體裝扮有特色
同一組人作某卡通系列或樂團組合嘅打扮,有鮮明主題之餘,裝扮亦多變有特色,並且能夠培養團隊合作精神。
3. 變歷史人物玩穿越
唔想扮鬼,則可考慮扮成為人熟悉嘅歷史人物,就如中式或西式嘅宮廷裝,華麗又時尚。不過,具爭議性嘅政治或宗教人物,例如扮特朗普、習近平,可免則免。
4. 扮食物走搞笑路線
諗唔到想扮咩人物,不妨試試扮食物,做個蘋果或一件壽司,走得意搞笑路線最安全,因為唔容易得罪人。若公司多人鍾意動物,來個「動物派對」都唔錯啊。
來源:Forbes
===================
19網輕鬆爆料熱線,歡迎舉報老細同事19惡行,立即click入去講畀我哋知啦