外國報告：74%僱主低估職場疲勞

日日放工OT無得走，唔好以為，老細總有一日會寄予同情，據 National Safety Council一份報告顯示，老細真係唔會理你死活。

報告提及，有13%嘅工傷意外，都可歸究於疲勞所致。雖然有90%受訪僱主稱，會同眼瞓員工見面，了解一下佢哋工作上嘅疲勞根源係乜，但只得55%嘅僱主會實際行動，適度調整員工工作量。

【相關搜尋】世界盃捱夜睡眠守則

報告又指，74%受訪僱主低估了職場疲勞嘅普遍程度。新數據亦反映出唔少職場政策，都有將打工仔女壓榨到最盡之嫌。就如60%僱主在工作場地並無設立休息空間；另外，51%受訪僱主更容許編更表時，可夜更直落接日更，或日更接夜更，打工仔女嘅瞓覺時間都被剝削，講真都幾唔人道。你公司，又有無同樣情況呢？

其實，逼得打工仔女太緊，反而會弄巧反拙，令僱主有損失。以擁有1000名職員嘅公司規模為例，因眼瞓員工嘅關係，足以讓僱主損失逾一百萬美元，因為眼瞓會令人效率變低；長期唔夠瞓又容易病，健康護理支出最終也會增加。

自己健康自己顧，一有時間就補眠，保持最佳狀態先係王道。如果公司唔在乎你，凡事使到你盡的話，都沒必要為佢賣命吧。

來源：PR Newswire

===================

19網輕鬆爆料熱線，歡迎舉報老細同事19惡行，立即click入去講畀我哋知啦