香港股市 將在 6 小時 47 分鐘 開市

外國專家:一個人食Lunch有好處

最近網上有個Post,話一個人食lunch嘅同事好怪,隨即引起網民熱烈討論。有人認同咁做「好毒」,有人則覺得乜都要聯群結隊好「小學雞」。

據科技公司Humanyze行政總裁Ben WaberQuartz撰寫嘅專欄,提及該公司從世界各地職場收集數據,發現打工仔女間唔中獨自食Lunch,並唔係一件壞事。

早年刊登於《Academy of Management Journal》嘅研究指,打工仔女要有小休時間,才可提升工作滿意度。事實上,需要和同事一齊食Lunch嘅主因,係鼓勵平時唔太會交流嘅人增加互動。若工作時已投入大量時間和公司嘅人相處,咁透過午餐時間作人脈聯繫嘅作用,便大大降低。

舉個例子,一個軟件開發員平時開會時間,就佔去整日嘅70%,單單工作接觸,已用了很多時間和公司嘅人相處,所以Lunch Time俾自己獨處一下都好應該。

同事馬拉松式開會,固然好攰,但無間斷集中工作15分鐘或以上,一樣會傷神。就如擔任管理工作嘅人,其有需要集中工作時間佔整體嘅10%;而個人貢獻者(Individual Contributor)則位整體嘅40%。作者指,咁嘅情況下,每週食3餐「一個人的Lunch」,有助打工仔女嘅工作集中力達到最理想水平。

所以,自己一個食Lunch,唔一定係「無朋友」,亦未必係孤獨,純粹想從工作壓力中抽離一下,不必大驚小怪。

來源:Quartz at work

【相關搜尋】孤獨的美食家  

===================

19網輕鬆爆料熱線,歡迎舉報老細同事19惡行,立即click入去講畀我哋知啦