外國研發人工智能取代HR 幫打工仔投訴性騷擾

被上司性騷擾唔敢同HR講？可能因為HR太有威嚴？又或者怕HR轉個頭講畀同事知，一齊喺背後唱你同上司「勞資糾紛」⋯⋯

外國呢部機械人，或者可以幫到你。

「請告訴我你記得的所有事情」、「盡量唔好遺漏，就算係微不足道的事情」、「只要你需要，我的時間都很充裕」，呢啲對白，都係出自名為Spot聊天機器人把口。

話說呢款2月發佈嘅免費產品，目前可通過網站使用，主要用來記錄打工仔嘅反應，幫你手製作一份報告，詳細闡述職場性騷擾或性別歧視狀況。

例如，當打工仔同機械人講自己被老闆性騷擾嘅遭遇時，機械人就會繼續追問細節，包括「請提供事情發生的具體日期和時間」。因為面對職場性騷擾，好多打工仔都唔敢開口，反而對住冷冰冰的機械人，就可以暢所欲言。

目前，任何個人都可以在Spot網站製作一份報告，唔想畀僱主知道，仲可以在屋企用電腦操作。Spot會根據打工仔對事件細節的記憶程度，包括誰在現場、大家感受如何、是否有其他證據（例如Cap圖、Print Screen等），如果打工仔提到有證人，Spot都會鼓勵證人都製作一份報告。

同機械人溝通結束後，打工仔可以選擇下載一份顯示時間嘅PDF文件，好似口供紙咁，裏面有晒對話文字記錄，之後，打工仔仲可以選擇用呢份報告向公司投訴。

報告可以匿名處理，等打工仔send俾自己公司的HR後，可以唔使立即公開自己的身份；自行保留原始副本，以供日後使用。

聽聞美國已經大約有30%的案例上報。Spot的研究團隊好快亦會發佈一份針對職場騷擾和歧視分析報告，從而判斷究竟有幾多呢類事件未能上報，並探索背後原因。

來源︰BBC Capital

===================

19網輕鬆爆料熱線，歡迎舉報老細同事19惡行，立即click入去講畀我哋知啦