外國研究:人工低過同事 返工無咁落力
早前曾有調查指,有30%年輕打工仔女(介乎18歲至36歲)坦言會和同事談論彼此人工。假如知道同事人工高過自己,你會點做?勇敢向老細爭取同工同酬,定係忍氣吞聲扮唔知算數?
有外國研究就話,若然知道自己人工低過同事,打工仔女做嘢會無咁落力;但得悉自己老細有份高薪嘅話,則會更加努力工作。
據《National Bureau of Economic Research》發布嘅一項研究,共有2060名來自大型商業銀行嘅打工仔女參與。結果顯示,當員工認為同事嘅薪水比自己高時,會傾向減少工作時間,例如少發一啲電郵。
準確啲來講,研究人員計算出,當打工仔女認為對方薪金每有1%增長,自己便會減少0.94%嘅工時,同時其離職可能性也會增加0.225%。畢竟同Post唔同酬,心裏當然不是味兒,打工仔女出作一點「反擊」也可理解。
有趣嘅係,若然老細人工有1%增長,打工仔女便會加班0.15%嘅工時。研究人員解釋,咁係因為打工仔女產生了期望,認為自己於不久將來,也可以獲得同老細差唔多嘅人工。
人望高處係好事,但凡事都應係「合理」期望範圍內,若果FF得太離地,期望便會變成奢望了。
來源:Market Watch
===================
19網輕鬆爆料熱線,歡迎舉報老細同事19惡行,立即click入去講畀我哋知啦