香港股市 將收市,收市時間:9 分鐘

外國研究:太勤力工作 會有負面影響

勢利嘅職場世界,打工仔女好難做到「一分耕耘,一分收穫」。自問天資唔夠聰慧嘅人,只好將勤補拙,希望有朝一日可以博得老細賞識。可惜近日有外國研究指出,打工仔女太過勤力工作的話,反而對事業帶來負面影響。

City University of London研究人員收集了來自36個歐洲國家、逾50,000名打工仔女數據,並分析了OT工作和「工作強度」(work intensity影響,或以其所受壓力、疲勞程度及工作滿意度,來量化佢哋對工作付出相對努力有多少。

結果發現,打工仔女「工作強度」增加時,其幸福感會下降,工作表現亦顯得較差。現實係打工仔女晚晚OT都好,因過度努力工作而誘發壓力、勞累及耗盡心神等負面影響,遠遠超過其對公司盡心奉獻一切可獲得好處,就算博埋條老命,隨時老細對你一啲印象都無。

 

站喺打工仔女角度,過度努力工作「禍害」,分分鐘比工時長更嚴重。所以話,辦工都要量力而為,否則搞到自己咁辛苦,到頭來卻得個吉好無癮。

來源:The Cut

===================

19網輕鬆爆料熱線,歡迎舉報老細同事19惡行,立即click入去講畀我哋知啦