外國研究:打工仔要成功 9成靠運
今時今日想成功,有「父幹」事半功倍。至於無「父幹」嘅,返工一直不獲老細重用,好有時不與我嘅挫敗感?有外國研究話,可能係你啲運未到。
早前Kellogg Scholl of Management發表一項研究,透過統計分析,評估唔同領域嘅打工仔女成功模式。結果發現,有90%嘅打工仔女在事業上,都有靠過一段順風順水嘅「行運期」。
研究團隊搜集了超過2萬名科學家嘅資料,並找來3480名畫家和藝術家嘅作品拍賣價作評估,同時查閱了6233名導演嘅相關訊息。
一個人能取得成功嘅機會,可能係隨機得來。然而,該研究稱,打工仔女連續取得成功機率頗高。大多數情況下,研究對象們最成功嘅2次工作表現,都喺好短時間發生嘅機會率達50%;更神奇嘅係,第2次同第3次嘅成功機會,於短時間內發生嘅可能性,同樣高達50%,證明一個人旺開真係有條路。
難怪研究負責人都話,行運呢回事,確實係「真實又無處不在」。
可是,十隻手指有長短,唔同工作領域嘅人,其運氣嘅持續時間各異。研究指出,藝術家嘅「行運期」通常持續約5.7年,導演嘅係5.2年;至於科學家則更短,為3.7年。
講到呢度,可能有人開始懷疑自己係剩底嗰10%黑仔。事業上苦無伯樂賞識和相助,甚至為要應付公司一堆無謂煩人而耗盡心力,都係唔少打工仔女的苦澀寫照。或者可以遠離小人,已經係打工仔女最大的心願,亦係最大「成功」。
===================
19網輕鬆爆料熱線,歡迎舉報老細同事19惡行,立即click入去講畀我哋知啦