外國研究:老細唔夠瞓 同下屬關係會變差
有開工,無收工,係好多香港打工仔女嘅悲慘日常。其實唔只打工仔,有時連老細都唔夠瞓就大件事。
事關打工仔女處境可能更慘,最近就有外國研究指出,睡眠不足嘅老細,和下屬關係會變差。
據 〈Harvard Business Review〉刊登嘅一項研究中,對40位主管和120位直接下屬進行實驗,結果發現睡眠不足嘅領導者,會表現得很暴躁、有敵意和無耐性,阻礙了和下屬嘅溝通。
研究又指,一直唔夠瞓嘅話,隨著時間過去,不良行為並唔會消失,最慘係當事人察覺唔到,而下屬卻日日在捱,令其激勵團隊嘅能力下降。
其實唔使研究都諗到,老細唔夠瞓時一言一行,隨時會話無講過或聽唔到,下屬真係無得反駁。
另外亦有研究顯示,若領導者瞓得唔夠,辱罵別人嘅行為會變本加厲,影響下屬情緒和工作參與度,甚至道德觀念也下降。
假如你老細份人變得火爆,鍾意鬧人唱反調嘅話,未必真係睇你唔順眼,可能只係唔夠瞓啫,叫你老細返屋企早唞啦。
來源:Inc
===================
19網輕鬆爆料熱線,歡迎舉報老細同事19惡行,立即click入去講畀我哋知啦