雅虎香港財經 
外國研究：點解你唔想俾老細管？
係打工仔都唔想聽老細話，亦好憎被人「老點」，但大部分人都係老細叫做乜就做乜，反正對得住份糧就得。不過，有啲人特別討厭被人指指點點控制住。佢哋有無老闆命就唔知，但做人下屬就唔多適合。
日前刊登於Journal of Neuroscience一個研究指，打工仔討厭受控於老細，主因係覺得自己不會被老細信任，或對限制佢自由嘅上司缺乏了解所致。
該研究搵來51位大學生參與交易遊戲；同一時間，研究人員對佢哋大腦進行掃瞄。於某啲回合，隊友可要求參與者給予最低金額，此舉為左右其「資產」分配自由度。
遊戲結束後，參與者需完成一份問卷。結果發現，參與者喺受隊友掣肘嘅情況下，除憤怒情緒及渴望恢復自由嘅因素驅使，佢哋認為對方愈唔信自己，或愈唔理解對方點解咁做時，參與者就會選擇俾愈少「資產」隊友。
研究人員稱，特別討厭受掣肘嘅人，於兩個腦部區域，即下部頂葉（inferior parietal lobule）及背外側前額葉（dorsolateral prefrontal cortex）同步活動率較高。研究人員解釋，可能因自己表現大方嘅動機，以及主張反對掣肘別人，造成衝突所致。
原來，唔想俾老細管，你同你大腦同步率有關。
其實，返工呢樣嘢，最重要係人夾人。遇到好老細，被佢控制一下又如何？但跟著個衰上司，叫你做乜都要三思，必要時拒絕，點知係唔係陷阱嚟喎。
來源：LiveScience
19＋精選推介
廣告
秒like 19+ Facebook！
===================
19網輕鬆爆料熱線，歡迎舉報老細同事19惡行，立即click入去講畀我哋知啦
