香港股市 已收市

外國調查:Y世代平均24歲才開始儲蓄

隨住人均壽命愈來愈長,就算唔係月光族,打工仔女亦要為退休生活綢繆。可惜樣樣通脹,唯獨人工唔漲嘅情況下,有人選擇買股票、基金投資,增值財富。但近年多個調查指出,好多20出頭至30中後嘅Y世代打工仔,似乎奉行「現金為王」,傾向儲蓄多過投資。

Transamerica Center for Retirement Studies調查結果,有71%Y世代有為退休生活作儲蓄,而開始嘅平均年齡係24歲,較上一代嘅平均30歲,足足早了6年時間。當中,有39%被視為「超級儲蓄者」,其儲蓄金額佔薪金逾10%,接近專家建議嘅15%水平。

此外,2018 Fidelity一項統計指,按普遍Y世代嘅儲蓄步伐,可支持到估計退休開支總額嘅78%。不過,講到投資,佢哋顯然無咁熱衷。該調查指,42%Y世代投資取向保守;相比年紀更大的X世代,保持投資者只佔38%

金融公司調查指,年齡介乎1829歲嘅年輕人,有66%稱投資股票市場令人提心吊膽,亦好嚇人;至於3039歲組別,也有65%表示同感。

另據Transamerica調查,有20%稱用預算用來退休的錢,大部分會買債券、貨幣市場基金等一啲穩陣投資。

人人都想增值財富,但唔同人有唔同情況考量,風險偏好也有所不同。揀一個最舒服同適合自己的理財方法,先係最重要嘅。

來源:Forbes

【相關搜尋】財富增值10大法

===================

19網輕鬆爆料熱線,歡迎舉報老細同事19惡行,立即click入去講畀我哋知啦