外國調查：同事唔同年紀 易有溝通問題

辦公室政治入面，除咗黨派鬥爭外，仲有一樣叫做年齡鬥爭。就好似後生唔鍾意「老seafood」指手劃腳，老前輩又睇唔過眼後生同事做事自我中心，斤斤計較，結果誤會愈積愈深，一觸即爆。

人力資源公司Randstad日前一份報告指出，雖有86%受訪打工仔女表示，鍾意有唔同年齡層嘅同事，認為這可帶來互惠互利嘅關係；但有81%嘅人坦言，覺得要跟唔同世代嘅人共事，最大問題係彼此溝通方式好唔同。

就好似18至24歲受訪組別中，有75%稱在社交媒體上有跟同事聯繫；而在55歲至67歲組別，同樣會咁做嘅只得33％。此外，有38%坦言，覺得好難跟世代唔同嘅同事溝通，更有趣嘅發現係，覺得有問題嘅男受訪者（49%）比佔，較女受訪者（27%）多出近2倍。

平日係公司，你又遇過啲咩溝通問題呢？

如果真係有代溝，可以點解決呢？研究指出，有58％受訪者表示，其直屬上司會用唔同方式，對待唔同年紀嘅同事。其實，對唔同人講唔同嘢，係一種Social技巧，只要上司識做啲，代溝問題好易解決。

世上灰色地帶嘅事太多，最重要係要彼此尊重，自然少啲戾氣，少啲爭執，合作開心啲，工作都順利啲。

來源： PR Newswire

===================

19網輕鬆爆料熱線，歡迎舉報老細同事19惡行，立即click入去講畀我哋知啦