外國調查:打工仔好少講唔該
呢個世界上,每個人總有求人嘅時候。據刊登於《Royal Society Open Science》一份研究顯示,打工仔大約每1.5分鐘,便示意有事相求;而通常大約請求拜託7次左右,才獲得幫助。
該研究分析了打工仔日常生活嘅互動情況,結果發現,平時喺表達謝意方面,大約每隔20次感謝時機,打工仔才真正開口講一次「唔該」或「good job」等,講唔該少得可憐。
研究人員稱,唔講唔該,其實係件好事。因為咁做,就表明跟對方已有默認。由於互惠互利嘅關係,無需次次講「多謝/唔該」,唔怕麻煩到對方,咁樣反而更能專心做好應做嘅事,唔使咁見外。
不過值得留意一點,該研究並無特別指明一定係商業機構,如果係上司同下屬,又或者唔熟嘅同事之間,研究嗰一套未必適用。
所以人在職場,搵人幫忙都係客套啲好。雖然顧慮會多咗,怕對方會拒絕,又怕唔知點還人情債。但為免對方誤會你乜都「奉旨」要人幫,點都要裝出滿有誠意嘅樣子,表示謝意。
來源:Inc / The NewYorkTimes
===================
19網輕鬆爆料熱線,歡迎舉報老細同事19惡行,立即click入去講畀我哋知啦