外國調查：打工仔最想要彈性上班時間

打工仔女最在意嘅，不外乎份人工同公司福利。市調公司Fractl曾有調查指，有88%受訪打工仔坦言，視公司能否給予「更好嘅健康、牙科及視力保險」，為「有啲重要」和「很重要」嘅考慮因素。

外國職場資訊網站Movin’ On Up最近一項調查，將熱門嘅健康相關福利選項剔除，看看除了醫療福利，打工仔女仲會重視邊啲公司福利。結果發現，約18%受訪者稱最想要彈性工作時間；其次為無限休假（13%），以及在家中遙距工作嘅機會（12%）。

此外，有少部分打工仔想要參與培訓或認證課程（10.18%）、可作休閒穿著打扮（9.76%）、獲利潤分享或股票期權（8.23%）、可報銷大學學費（6.56%），以及有旅遊機會（5.02%）。

事實上，邊有打工仔女想變成工作機器，日做夜做無停手？想要彈性上班時間，都只係唔想返工返到「斷六親」。

但現實總是殘酷，該調查同時訪問了僱主們實際上提供嘅公司福利，結果顯示，容許員工作休閒打扮有16％、提供培訓或認證課程有14％、彈性工作時間僅得9%。

所有選項比佔都跟員工調查數據有明顯差距，理想與現實，果然係有出入。唔知各位打工仔友又最想要咩福利呢？

來源：Lambton Shield

【相關搜尋】11間世界上福利最好公司

===================

19網輕鬆爆料熱線，歡迎舉報老細同事19惡行，立即click入去講畀我哋知啦