外國調查:有「潛規則」的公司,會劣幣驅逐良幣
大家都知道,一間公司有規則,就會有「潛規則」。
「潛規則」好多時係老細,又或者係一班是非精定落,目的說穿咗,就係要你聽佢支笛;即使有人做出不當行為,就如失職或濫用職權,但只要識「潛規則」,例如埋到堆,咁就公司規矩都可以無視。
早前國際研調機構Gartner一項調查,抽樣訪問了逾5000名唔同職位嘅打工仔女。結果顯示,過去2年間,有29%受訪打工仔女稱,曾目睹過至少一次有同事喺工作上有違規行為。
但原來,調查指,有59%受訪「目擊者」表示會積極另覓新工,而佢哋離職嘅可能性,比無見過違規行為嘅人(29%)高出接近2倍。如此一來,公司只會出現劣幣逐良幣現象,最後廢嘅坐埋一枱,平時表現盡責嘅員工,卻會陸續辭職。
諗返轉頭又的確係,如果你係好員工,選擇扮唔知都扮唔到一世,遲早頂唔順走人啦。
來源:HR Dive
===================
19網輕鬆爆料熱線,歡迎舉報老細同事19惡行,立即click入去講畀我哋知啦