外國調查:22%打工仔女認為幫同事善後最嘥時間
打風之後返工,已經做到無停手,如果要被逼嘥時間應酬一堆「無謂嘢」,就真係慘上加慘。
早前外國人力資源管理公司Kronos調查就指,86%受訪打工仔女覺得,每日返工都浪費好多時間在跟核心工作無關嘅事上。當中,有41%更指每日要用超過1小時處理無關重要嘅工作。
該調查訪問了2800位打工仔女,分別來自澳洲、加拿大、法國、德國、印度、墨西哥及英國。問到佢哋認為返工做啲乜最浪費時間,結果發現,最多人揀嘅係「解決唔係自己嘅問題」(22%)。明明別人做錯,卻要用自己寶貴時間幫「無謂人」善後,最慘係對方一啲謝意或歉意都無。
此外,其他最浪費時間嘅工作,分別仲有處理「行政工作」(17%)、「開會」(12%)、處理「電郵」(11%)及「客戶事宜」(11%)。
坦白講,呢幾件事大部分打工仔女每日都Loop住做,結果搞到正經事做唔完,唯有OT補救。只係打風之後,如果仲要幫呢啲「無謂人」,真係慘過減人工。
來源:DNA
===================
19網輕鬆爆料熱線,歡迎舉報老細同事19惡行,立即click入去講畀我哋知啦