香港股市 將在 8 小時 開市

大公司春茗要自費$180 員工呻貼錢開年

圖片來源:AsiaWorld-Expo

一間全港都識嘅大機構,有員工話冇開工利是收,仲要自費出席公司春茗,呢個新年喊咁口。

 

繼有扮工友報料話巨富開工利是得廿皮之後,又有來自某大機構嘅扮工人士報料畀小編,呢間機構嘅出名程度,相信每個香港人都識,平時你睇電視都會見到佢嘅廣告,唔少人屋企仲會用到佢服務。報料人士話佢哋公司搞咗個春茗,令到唔少員工嬲咗。

圖片來源:AsiaWorld-Expo

春茗3月喺亞洲博覽館舉行,好大型咁款,有表演嘉賓許廷鏗同C Allstar,又有獎抽,理應好開心呀,但重點就嚟啦,報料人話佢哋唔單止冇一毫子開工利是收,出席春茗仲要自費,位位$180,如果想打牌仲要每枱畀$20。

 

即係公司搞餐飯畀員工,不過就要打工仔自己畀錢。而令呢名報料扮工友最不滿嘅,係付款方式唔收現金或支票,畀錢指定要用tap and go!!!

 

當有人為咗廿蚊開工利是覺得老闆縮數,原來仲有千千萬萬打工仔係一蚊都冇,甚至有人要自費先可以享用到公司一餐飯。

 

圖片來源:香港01

小編就諗起年初二睇到新聞,話西環一間開業近60年嘅海味舖,自1967年開始就每年為員工準備開年飯,呢個傳統老闆堅持超過半世紀,足足51年!

呢啲,咪人情味囉。

 

香港01報道-【農曆新年】上環海味店堅持傳統51年 開年飯九餸一湯寓長做長有

19+精選推介

巨富派開工利是$20 員工:慳返個利是封吧

黑豹先係美漫世界首富?

【鐵漢柔情】好爸爸陪愛妻水中生產百萬人欣賞

史泰龍又被誤傳死訊親自拍片:我仲打緊拳

霸氣女遊日拒代購一句KO麻煩友

特朗普當選為美國史上最差總統

【集思廣益】打工仔過年必勝法

狗年市道旺最旺「IT狗」

45%打工仔指辦公桌整潔有助升職

全球最富有城市香港排第八

餐廳食水深一碟意粉賺6倍!

冬奧另一面花樣滑冰選手面容扭曲圖集