大灣區代言人 為何不是湯文亮?
最近盛傳被內地稱讚為人民英雄的「香港光頭警長」去了中山買樓,更獲用作生招牌。
文宣係咁寫:
「內地同胞所熟悉的香港光頭警長劉Sir相信他將會是利好政策受益者昨天他接受媒體採訪時再次確認有計劃在粵港澳大灣區置業。劉Sir 表示安新家的計劃正在進行中,“ 我和太太去過深圳、珠海、中山等城市看鋪,但具體的地點和時間表還沒定下來,畢竟還要看孩子在內地哪裡上學。不過可以肯定的是,我會在粵港澳大灣區置業。”
今天光頭劉Sir又來中山金帝世紀城
恭喜劉Sir購買金帝世紀城一套
你值得擁有
想和正義劉Sir做鄰居的朋友
金帝世紀城你值得擁有」
劉Sir到底有無買,有無廣告費,筆者無從證實,不過至少可以睇到兩件事,第一係中山樓市,年初到而家,二手樓又真係走勢平穩,最新11月城市均價為11891元/平米,部份地點如藍山別墅,年內大升77.92%(17562元/平米),成交量則以保利大都會稱冠。兩個月前筆者聽過有警隊中人話要買中山,只係估唔到,今次竟然係由劉Sir牽頭。
其次係,有人話劉Sir大可以做「大灣區樓盤KOL」又或者「財演」。佢有無違規係一回事,筆者只係立即聯想到,本來都好火熱嘅湯文亮,同樣都係藍色陣營,寫了很多反對示威者的文章,好似9月都講過一場「海外置業投資展」,但點解無光頭劉Sir咁火爆呢?
點解喺金帝世紀城出現的,唔係湯文亮而係劉Sir?
思前想後,終於諗通,湯文亮在內地不紅,可能由於他是資產階級,同無產階級劉Sir比,始終都唔夠親民。
「大灣區樓盤KOL」似乎更需要一些切合獅子山精神、搏盡返工上車形象,而不是早已上岸,回內地買樓只是享福的「成功香港人」,而事實上「實幹」形象也是光頭劉Sir會在內地極速走紅的原因。
內地人比較喜歡實幹,而且看樓比較精明,很多都自己會看,迷的都是些數據專家,大賣專業形象,所以對平日風格大鳴大放的財演式專家湯文亮,可能就不太感冒了。
再加上湯在微博上曝光不足,難助推內地樓盤也是相當合理呢~
===============
精選資訊網站「中環街市」 臉書粉絲頁