大茶飯│睇業績應有的態度(青冰)

·2 分鐘文章
睇業績應有的態度
要真正的拆解業績,並不是睇盈利升跌咁簡單。

港股業績期剛過,但又差不多開始季績期,面對海量的業績數字,戰友可能習慣上都是看財經新聞,但要真正的拆解業績,並不是睇盈利升跌咁簡單,即使只係睇盈利數字,都要看細緻一點,懂拆開來看,就會更易貼近市場看法。

下載Yahoo財經APP

美股、外匯、加密貨幣免費即時報價,自選投資組合獲取相關新聞提示。

舉個簡單的例子,香港電視(1137)早前公佈全年業績,轉虧為盈賺1.84億元,這亦是傳媒報道的重心,老細王維基形象好又有骨氣,大家都不其然為佢感到欣喜,但有跟開香港電視的投資者,應該都知佢哋去年受惠疫情,在半年業績時已賺1億元,所以全年虧轉盈,唔算係新聞,反而要拆開上下半年去看,下半年收入比上半年增長15%,不過下半年盈利就只得7,400萬元,比上半年倒退喎,作為專業些少的老散,應該預期得到翌日的股價會受壓。

拆細睇知得更多

再進階一點,其實香港電視每月都會出銷售數字,上星期剛公佈的3月訂單總額有5.25億元,跟2月比當然升啦,因為日數多幾日,2月有農曆新年假期,都間接影響銷售,但當你再睇1月份的數字,訂單總額有5.6億,其實3月條數都係比1月低,收入增速放緩,甚至有輕微滑落的趨勢,如果第二季情況持續,相信不需要等到8月公佈的半年業績,股價都會行先一步。

4月隨後的時間,不少國企民企都會公佈首季業績,亦有唔少公司已出盈喜,但當你回想去年首季係疫情大爆發,大部分公司在去年首季甚至上半年,條數都非常慘淡,基數低自然實盈喜啦,但盈喜的背後就要更加睇睇清楚,今年首季比去年第四季是否再有增長,如果增速只係輕微甚至係持平,相信股價在盈喜後都是應聲下跌,即使增速唔錯,亦要再睇股價累積升了多少,這就是更複雜的估值遊戲。

睇業績並非三言兩語就講得晒,但以上的全是基本功,只係加加減減,並不涉及複雜的財務知識,勤有功,睇得多自然更易估到翌日升定跌啦。

青冰

http://www.fb.com/chingbing888

本欄逢周二刊出