香港股市 將收市,收市時間:4 小時 58 分鐘

央企全面進軍香港 什麼股最受惠?

有外媒報道央企接獲國家級任務,將會加大對香港市場投資,股民最關心的是,如果央企全面進場,邊啲股份最受惠?

從外媒的爆料,央企會重點在旅遊及地產項目上加注。旅遊產業近月最傷必定係酒店,特別係近十年大堆進駐偏遠工貿區的三、四星酒店,租值震得最厲害,業主的持貨能力亦有限,遇到想極速建立本地酒店網的央企收購,自然會樂意割愛,想瞄準央企催谷旅遊業商機,不妨趁價殘留意三、四線酒店股。

至於地產,除了搶地,央企進駐香港更具指標應該係擴展收租項目。持有大量商場的本地一線地產股,或會仿效太古地產做法,減持非核心地區商場,而保留賣咗買唔返的龍頭商業項目。對央企而言,收集地區商場,亦可以顯示支持民生經濟的誠意。從這角度看,揸住大堆人流強勁地區商場(下圖)的新地,就較有條件成為賣商場贏家。

除了旅遊、地產,公用股中較需要央企支援首推運輸業,對持有巴士業務的兩大地產股而言,巴士業務的物業價值已所值無幾,營運難度又越來越高,倒不如出售套現。

至於港鐵,政府金盆洗手把持股轉售予多間央企合組的財團,亦可以將港鐵變成另一間領展,既為港鐵增加強力後台,日後發展上的限制亦可以鬆綁,更何況港鐵手執不少海外業務,對央企別具戰略意義,自問有膽色的話,不妨留意港鐵,或許日後可以與政府一齊食個尾糊吧。

===============

精選資訊網站「中環街市」  臉書粉絲頁