好快可以 買位上火星
SpaceX CEO 狂人Elon Musk於早前表示,只要火箭從軌道回來,大家就可以開始訂位,準備上火星。
萬眾期待嘅火星之行,似乎好快就可以開始,如果Elon Musk早前嘅時間表屬實,2022與2024年就可以分別開通火星嘅「貨運」同「客運」。
但去火星要幾多錢呢?據目前估計,應該以50萬美元做標準,平均成本應該約22萬美元。
22萬美元,即是百幾萬港元,同香港人買層樓個首期差唔多,隨時中產都負擔得起。比想像中便宜,係因為Elon Musk言明預售定價參考了美國的樓市成本。
雖然,美國早有調查指大部份美國人都唔願意冒險上火星,但照情況睇,參與火星之旅可能有唔少好處,愈少人去愈有利,人棄我取,對已心郁郁想移民,換完樓又有錢剩嘅香港人,不妨諗一諗。
當然,去火星只是打個白鴿轉,目前暫時未能定居火星,揸火星護照。
不過「去火星」是光環,如果你是中產打工仔,「去過火星」的你到各大社團活動飲飲食食,甚至牽動天使投資,打工變創業也不是不可能,抵過跟股神巴菲特食個午餐;如果你想財務自由,外國那些年輕人財務自由個案早已珠玉在前,你孤注一擲從火星回來後,做旅遊blogger搵食,相信好快就可以賺回成本,前題只是,你要平安從火星回來。
還有一點,外國人討論是否能死在火星。以現時香港家庭龕位的價錢由12.2萬港元至29.9萬元不等,長者上火星都有誘因,如果香港龕位價錢再不斷飆升,難保他日上火星買位仲抵;那麼到時生前死後,都可以真正遠離地球的紛爭了。
===============
精選資訊網站「中環街市」 臉書粉絲頁