如果今日老細請食月餅⋯

 

如果今日老細捧月餅出嚟請大家食，留意下係咩月餅，對於今年裁員減薪，可能會有啲玄機。

只得半盒

悲觀的人會說：「只剩下盒月餅了。」樂觀的人會說：「還有兩個呢！」明顯老細未拿定主意，你未必需要急急轉工。

只有一個

老細厚臉皮，都唔介意拎一個出嚟大家分，明顯裁任何人都可以無情講，擦鞋仔最危險，因為老細唔會因為鞋油靚而唔炒，反而實幹型可以放心，因為呢種老細明白無咗你，隨時呢個月餅都無埋。

有足成盒

唔好以為公司好好景，如果真係一盒，實幹型同事都隨時出事。呢類老細，好可能想中秋自己好過啲，買足一盒做補償，過埋中秋，就要著手含淚裁員了。

冰皮月餅

呢類老細通常比較主觀同有立場，寧願唔買大路月餅，都覺得同事鍾意冰皮。如果老細真係請你食冰皮，唔順眼員工，好可能就係下一波裁員人選。

轉請食tea

即係唔食月餅。呢類老細知道月餅唔係個個想食，體諒到員工，不如請食tea等大家能自由選擇；呢類老細真係萬中無一，就算真係裁都係和平分手，你大可放心。

所以，如果今日老細請食tea，食完放工嘅老細，一定係個好老細，唔加人工都抵啦～～

各位中秋節快樂

===================

19網輕鬆爆料熱線，歡迎舉報老細同事19惡行，立即click入去講畀我哋知啦