香港股市 將在 1 小時 5 分鐘 開市

如果政府推宵禁令

官民關係緊張,但暫時點睇雙方都係「鷹」字行先,咁搞法香港或許會變成八十年代南韓般,「衝」已成為某個社群的生活習慣。最近財金朋友之間正在熱議,如果最終政府推行宵禁令,香港會有什麼影響。

早在1842年香港就推出針對華人的宵禁令,十一點後華人不得通街走,此政策直到1888年才廢除。而現時《公安條例》第31條仍有宵禁令,行政長官按公眾秩序需要可執行宵禁令,違者可被判罰款及監禁兩年。

假設非不得已重推宵禁令,並參考過去做法以十一點劃界,主力深夜時段的食肆固然大受衝擊,戲院為了十一點死線,都必須cut掉大部分夜場,收入亦會唔見一大截。越開越夜的商場,除了失去晚上人流,亦因為消費氣氛低迷,相信連日間的消費都大打折扣。

至於自由行,由於他們主力採購日用品,日間時段已足夠他們完成採購。但因為夜生活消失兼無得睇夜景,過夜旅客人數相信會大蒸發。按此推論,靠大量商場收租的地產股及酒店股,都會率先成為宵禁令的輸家。

香港回到黑暗歲月,另一大輸家可能係的士,十一點死線令夜更硬cut一半,租值縮水就有機會震動的士牌價,如果的士加價不暫緩,的士生意就難免更雪上加霜。

至於大家都關心的樓市,宵禁冷卻樓市氣氛,幸好二手業主持貨力強,大不了就齊齊唔賣住,令二手樓市成交歸零。但一手發展商仍要賣樓,唔想平賣就唯有小量推盤慢慢賣,沒有貨如輪轉效應,發展商賣樓收入亦可能遠不符預期。

宵禁令百害而無一利。

不過宵禁令之下,亦有一些贏家,首先係超市及本地電商,宵禁令下大家都要減少外食趕回家,自然會為屋企儲更多糧食。另一贏家係外賣平台,大家焗留家中,肚仔餓都可能忍不住嗌外賣。但外賣仔啩住外賣單,可能無留意過了十一時死線,到時或許最多違反宵禁令的市民,就係為口「奔馳」的外賣仔了。

當然,以香港的前途來看,這些日子以來,自然是無論如何都沒有贏家了。如果政府推宵禁令,香港所輸的將會比數字可見到的更多。

===============

精選資訊網站「中環街市」 臉書粉絲頁