安倍晉三開Channel做YouTuber

·2 分鐘文章
有日本網民睇好安倍晉三做最強youtuber
有日本網民睇好安倍晉三做最強youtuber

美國前總統特朗普成立新社群平台「Truth Social」,並計畫與SPAC合併上市,引起DWAC一陣升浪。無獨有偶,日本前首相安倍晉三都有動作搞媒體,不過可能因為健康下滑問題,無特朗普咁雄心壯志自建平台,只係開channel做youtuber。

下載Yahoo財經APP

美股、外匯、加密貨幣免費即時報價,自選投資組合獲取相關新聞提示

安倍頻道的影片暫時以文宣為主
安倍頻道的影片暫時以文宣為主

網民期望做打機直播

安倍晉三頻道傳開後,有日本網民睇好佢做最強youtuber,話佢終於有個可以無太多審查的意見平台,有人就希望安倍可以做打機直播,討論佢會唔會在頻道高歌一曲。

如果安倍晉三真係持之以恆出片真做youtuber,的確係要參考返今年全球最有富有的幾個youtuber頻道,部份有相當年資,有玩具代表 Ryan's World,運動代表Dude Perfect,打機代表DanTDM 、Smosh等等,最緊要爆笑演繹,有7160萬訂閱的MrBeast,半年前就直播關自己進真正監獄「生存50天」,該片全球已經6410萬人次睇過,相信安倍晉三如果表演「弓道」,可能真係上到熱門。

3日擁20萬訂閱

目前安倍頻道關閉了留言功能,睇呢幾日嘅影片,都係以文宣為主,似是為月底日本眾議院選舉而設,並非真想做youtuber。但從開台3日已有20萬訂閱,開台條片61萬人睇過,「試當真」做youtuber延續政治生命,都不失為一個好選擇呢。

相關報道:

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能