定存VS工商舖｜中原潘志明：勿貪定期多1厘而喪失買入物業博升值機會！

近期部份銀行定期存款息率略為減少，究竟資金應何去何從？中原（工商舖）董事總經理潘志明今日在記招就賣花讚花香：「貪定期3厘，但實質一間舖一年可能升10%至15%……而家買工商舖租金回報率最低都兩、三厘啦，有啲工商類別甚至4厘幾，你唔好貪多1厘就擺定期，咁就喪失買入物業博升值嘅機會！」

潘志明稱：「如果呢幾日去做定存，冇咁著數啦！早前幾十萬做半年定存有4厘幾，部份細行去到5厘，呢幾日就冇啦，可能十幾廿萬得返3厘幾。另外，Hibor跌得好快，應該跌到2.4幾，利息成本低咗，唔會派太多畀定存。當然擺定存有兩、三厘好穩定，但大家要知道全世界講緊通脹，擔心銀紙貶值。買賣物業睇timing，今日你入市，好明顯係最低位，如果等明年或者今年年尾先入市，個價都已經升咗。我哋係睇今年工商舖升，因為需求大咗，價格自然上升。部份筍盤、銀主盤消化，正常業主捱咗2年都會反價。投資者到時遲買就要付出高啲代價。」

他重申，情願買工商舖都唔好做定期存款，「工商舖物業跳升幅度係大嘅，舉例買舖，去年如果你買咗舖位，而家通關，租金上升，嗌價升咗。你貪定期3厘，但實質一間舖一年可能升10%至15%。而家買工商舖租金回報率最低都兩、三厘啦，有啲工商類別就4厘幾，你唔好貪多1厘就擺定期，但就喪失買入物業博升值嘅機會！」

密切留意BossMind動向！立即CLS FB: https://www.facebook.com/bossmindmedia/ Instagram: https://www.instagram.com/bossmindmedia/ Youtube: https://www.youtube.com/channel/UC4VI_WmdfVMTkT4vKCiZA4A