香港股市已收市

【中環街市】富二代平凡生活 9000美元買隻勞

有錢人也要如此生活。

成日話有錢人生活總係不一樣,但有無諗過,如果你20幾歲發達,你嘅生活會有啲乜嘢唔同?早上起床後,會唔會就諗緊使錢?

話說最近外國有篇文章好受歡迎,文中揭示咗世上最年輕億萬富翁嘅平凡生活。到底億萬富翁嘅生活有幾平凡?我哋一齊睇睇…

先出場嘅係96年出世嘅Alexandra Andresen,發達全靠阿爸,於2007年將投資公司股份,差唔多過晒俾佢同家姐Katharina;現時21歲卻身家多達13億美元嘅Alexandra,平日就係一位騎師,有玩花式騎術訓練之餘,平日以養馬為樂,同好多上一輩香港富豪一樣,夢想都係「拉馬」,不過單單Alexandra一個人,就擁有最少4隻靚馬。

同朋友飲下酒。
96年出世嘅Alexandra Andresen,發達全靠阿爸。

後生有錢,可以有幾平凡呢?根據報導,Alexandra最愛嘅活動,都係行山、露營、釣魚、玩繩索,周圍旅行;同一般人都無乜分別,都去唔到全世界,據了解,今年已計劃去探訪印度。

至於家姐Katharina,則視狗如命,家養5隻狗。不過比起阿妹,家姐就生活得奢華一點,平日都會用下名牌,今年先第一次買勞力士,價值9000美金。9000蚊一隻勞,相信唔少香港年輕人只要有儲蓄,都一樣買得起吧。

“The older Andresen sister bought her first Rolex earlier this year, worth nearly $9000”

至於挪威靚仔Gustav Magnar Witzoe,同樣係年紀輕輕,就掌握了18億美元財富,而佢發達,都係歸功於阿爸,於2013年,將漁場企業薩爾瑪公司(SalMar ASA47%股份,當禮物咁送俾佢。薩爾瑪從事漁場、加工,食開三文魚嘅,簡直係無人不識。

由於佢阿爸都仲未退休,挪威靚仔自然悠哉悠哉,平日會點使錢呢?佢會抽雪茄、睇鞋展、玩紋身、打Golf,周圍玩等等,今年4月,佢先去完印尼烏布;不過挪威靚仔都有平凡嘅一面,例如佢都係要買飛入場睇演唱會,平日同愛狗相處,亦都同天下間其他愛狗之人無咩唔同。

挪威靚仔Gustav Magnar Witzoe,同樣係年紀輕輕,就掌握了18億美元財富,圖左為他阿爸。

文中仲揭示咗27歲企業家John Collison27Snapchat CEO Evan Spiegel 嘅富有生活,篇幅所限,詳細就請大家睇原文了;不過睇番佢哋嘅生活,不外乎都係跑步、飲咖啡,唯一勁豪嘅,已經係Spiegel兩年前,斥資買咗架法拉利獎勵自己。

但撫心自問,如果你的人生不須要法拉利,咁大家嘅生活,都無話誰比誰高尚。

來源:BI

19+精選推介︰

睇到嬲 街訪印度人點解會咁多強姦

荷李活版《叮噹》? 縮小麥迪文過新生活

股神一早押注科技股 仲勁賺逾6.5倍回報

吐露港苦主建議 要渡輪出中環返工

【辦公室欺凌】生濕疹請病假 同事反白眼

【兩大高手】林夕黃偉文寫歌 最常填乜字詞?

4K航拍 大潭篤雨後壯觀排洪

【恨死隔離】粉嶺惠康有隱世靚女

===============

財經精選資訊網站「中環街市」  臉書粉絲頁