雅虎香港財經 巴菲特與女股神Cathie Wood比一比
女股神Cathie Wood人氣近年追上巴菲特，今次不如從多角度出發，比較一下兩名在全球投資者心目中極具份量的投資高手。
美股、外匯、加密貨幣免費即時報價，自選投資組合獲取相關新聞提示。
入行同樣有恩師引路
計學歷，巴菲特與Cathie Wood難分高下，巴菲特19歲就在內布拉斯加大學林肯分校取得商業管理學士學位，及後在哥倫比亞商學院考獲經濟學碩士學位。
Cathie Wood雖然少一個碩士銜頭，但她在名校南加州大學取得金融經濟學學士學位，更以最優秀拉丁文學位榮譽（Summa Cum）畢業。
巴菲特與Cathie Wood投身金融行業同樣有恩師引路，巴菲特修讀碩士時追隨投資大師葛拉漢學習，到1954年他如願加入葛拉漢創立的投資公司，兩年後葛拉漢退休時，他已累積17.4萬美元身家。Cathie Wood在1977年獲大學時老師、知名經濟學家Arthur Laffer引薦加入Capital Group任助理經濟師，開始她的金融分析師生涯。
論職涯上的艱難，巴菲特最大挑戰係解散了Buffett Partnership Ltd，全情投入經營巴郡。不過當時紡織業陷入低潮，拍檔芒格就坦言這筆收購係敗筆，巴菲特亦自認當年接手巴郡決定係大錯。不過為幫巴郡謀出路，巴菲特開始將巴郡資金投放在併購及投資股票之上，逐步將巴郡轉營為全球知名綜合企業。
至於Cathie Wood前半生都係在金融機構打工，但她在AllianceBernstein擔任投資長時，於金融海嘯時曾被批評其掌舵的基金表現跑輸大市。及後她押注「破壞性創新」投資方向亦未獲公司認同，決定離開公司於2014年創立ARK Invest。不過創業頭幾年ARK Invest基金表現一般，她更要動用積蓄倒貼支持公司營運，直到2017年ARK Invest開始錄得增長。
綜合企業 VS 主動型ETF
唔少Cathie Wood的支持者認為她在投資上更勝巴菲特，原因主要係ARK Invest多隻ETF去年爆升幅度驚人，兩隻旗艦ETF ARK Innovation（ARKK）及Autonomous Technology & Robotics（ARKQ）一年升幅分別達177.37%及205.02%。相比之下，巴郡股價一年升幅60.12%就明顯較遜色。
不過要判斷Cathie Wood及巴菲特高下，仲要睇兩人的投資理念及掌控旗艦的性質。股神將巴郡轉型為綜合企業後，一直擁抱「護城河」概念，主張搵機會大手投資具有行業壟斷優勢的企業，即使稍為買貴長線持有都可以獲得厚利。至於Cathie Wood主張發掘「破壞性創新」投資機會，例如之前瞄準電動車潛力，在2016至2018年增持Tesla，及後她更反對馬斯克建議，指睇好Tesla五年內股價可衝上4000美元。現時ARK Invest有唔少分析師並非來自金融業，而是曾在唔同科技範疇工作的專才，令ARK Invest分析團隊可以跳出「數字」局限，瞄準更多科技行業「破壞性創新」機會。
投資理念南轅北轍，巴菲特與Cathie Wood的投資旗艦亦大不同。Cathie Wood的ARK Invest有五隻ETF，雖然名為ETF但屬於主動型ETF，即不會追蹤目標指數，反而是由基金經理主動操盤調整投資組合。開支比率亦較被動型ETF貴一截，例如ARK Next Generation Interne（ARKW）開支比率就較一般ETF高四倍。不過賣點係投資團隊有本事，回報可以大幅拋離被動型ETF。
至於巴郡屬於綜合企業，並以保險為核心業務，投資範疇除了上市公司，亦可以瞄準私人企業甚至回購自家股票，而且即使某年業績欠佳，頂多只係股價受壓而毋須擔心贖回潮，有更多條件等待長線投資收成期來到。
反觀ARK Invest，由於主力押注創新產業，大跌市時更容易受到衝擊，例如今年3月8日ARK Invest的ARK Innovation（ARKK）就勁跌31%。另外為了維持增長，ARK Invest的ETF幾乎每日都會「執倉」，Cathie Wood本身少一點魄力，又或投資團隊人才流失，「執倉」效率及判斷力就可能大打折扣。
值得一提係兩人日常工作上有一大共通點，就係花上80%時間進行投資研究，雖然馬斯克曾取笑巴菲特工作很沉悶，但原來馬斯克欣賞的Cathie Wood成功都係靠勤力刨資料，從這點睇，散戶想有好回報，似乎都要唔怕悶多做功課。
對散戶而言，其實Cathie Wood與巴菲特投資理念各有優勢，未必迫自己需要二揀一。美股勝在可以逐股收集，買少一隻港交所，你就可以買巴郡B股加幾隻「契媽」團隊主理的ETF。如果你偏好自己操盤，亦不妨留意「契媽」每日「執倉」動向，仲有睇實將於香港時間5月2日凌晨在Yahoo財經獨家直播巴郡股東會，從巴菲特及芒格對股市及經濟的點評中發掘更多投資靈感。
延伸閱讀：
