香港股市 將收市,收市時間: 1 小時 11 分鐘

帶飯同事4大乞人憎行為

扮工友帶飯嘅原因有好多,有人想食得健康啲,有人為慳錢,有人唔想出去同人逼等等。

帶飯好處多多,但帶得無公德心的話,會令到愉快的Lunch break,頓變人間地獄,惹起眾怒。你有遇過(或做過)以下4大帶飯煩友嗎?

1.成日帶大味食物

最近天氣轉熱,唔少人胃口或會變差,想食味道刺激啲嘅食物。不過,沙嗲、咖喱呢啲,可免則免啦。一來會整到公司個雪櫃成浸味;一叮完飯,更是「香氣沖天」,全層都「分享」到呢個味道,可能一整日都不散。大熱天時,或者有扮工友想整涼拌或海鮮做餸,不過運送途中容易變壞,搞到一袋腥臭味;仲有啲蒜香乜乜都係大忌,蒜頭咬一口,唔該你唔好擘大口。

2.食嘢食到「jip jip聲」

另外,有啲人食嘢,總係食到「jip jip聲」,方圓數里都知佢開緊餐。但請係扮工室節制吓,事關唔係人人都有真lunch break,唔少可憐嘅扮工友正空腹趕工中,或者OT同事想補眠,一直被啲「jip jip聲」不斷精神騷擾,卻又無得claim工傷。其實,就算只係食香口膠或零食提神,麻煩都注意吓,唔好精神虐待人啦。

3.整到周圍好污糟

只係叮個飯,有人可以叮到成個微波爐都係汁,事後又唔抹番乾淨,下下下手叮完後,都唔知個飯變咗咩味。其實,只要係盒面輕輕蓋上蓋子,就解決到啦。仲有,有啲真係唔知咩構造,總係食到天一半,地一半。行經佢個位時步步驚心,好驚踩到不明飯菜渣,十分嘔心。順手抹一抹張枱,應該零難度吧。

4.當雪櫃係萬能箱

相信亦有啲自私同事,當公司雪櫃係萬能箱,係嘢食都塞入去。一來呢個係share空間,擺埋啲唔使雪藏嘅嘢入去,簡直浪費資源;二來,一般新鮮食物放多過3日,應該要望望,壞咗就要掉咗佢,唔好迫人地啲嘢食同你啲霉菌一齊啦。

若你身邊有更離譜的帶飯同事,不妨分享一下吧。

來源:cnbc

19+精選推介︰

低調探末期癌病人 哥哥往事傳世

8歲仔為左食漢堡 上網學揸大膽車

近況文學 賊王病逝講呢D?!

好文重溫:城嫂方媛真身冇P


===================
全民監察老細,日行一善
如果想舉報老細同事19惡行,立即click入去講畀我哋知啦:
http://goo.gl/forms/4pFp6ABrMm