後生仔為溫飽去考警察?
呢幾日香港市面緩和啲,有後生仔都開始要諗搵食。
話說今日有「連登仔」上網問,佢有個朋友,因為經濟差搵唔返之前份工,打算試下投考警隊,問大家好唔好。
呢位朋友24歲,仲大把青春,但因為有父母要養,所以先諗呢條路。
結果呢種想法,引來大批網民負評,佢朋友話:「我勸過佢唔好,但係佢話入到警隊初心不變,例如上前線盡量揸流攤,負責射催淚彈就射斜啲…」
負評理據係因為,考紀律部隊都唔一定要考警察,不如趁消防處請人去考消防;有人就話,其實平時入得一間公司做嘢,都一定會被同化,無可能「初心不變」。
「連登仔」再解釋,呢位朋友好多集會都有去,唔去都好關心時事,日日睇live,但為溫飽,先有呢個想法。
政治上誰對誰錯,小編無資格講,但好務實咁睇,如果你本身唔鍾意份工,又唔鍾意班同事,勉強真係無幸福。
而且轉行嘅嘢,真係要諗清楚,一般打工仔,通常就只有兩次轉行機會呢。
來源:lihkg ===================
19網輕鬆爆料熱線,歡迎舉報老細同事19惡行,立即click入去講畀我哋知啦