香港股市 將在 4 小時 50 分鐘 開市

想學阿姐咁好波 先計計自己有幾多身家

近年大家對阿姐的印象,主要係她為了西九文化區未有為戲曲設獨立藝術總監,而與政府多次開火。想不到她在大台頒獎禮上一句「山頭主義」,成功贏得全港打工仔掌聲。

在職場打滾略有年月的打工仔都明白,有條件向公司敢言直諫的員工有兩種,一係兩袖清風,一係就有錢到毋須擔心衣、食、住、行。前者大都屬於年輕下級員工,反正人工得一萬鬆啲無嘢輸,條氣唔順就照直講,大不了就劈炮另謀高就。後者自住樓供甩兼有樓收租身家豐厚,工作只為興趣,當看不過眼要谷爆時,亦可以放膽講一、兩句公道說話,明顯阿姐就係屬於後者。

究竟阿姐身家有多豐厚?最強線索係2013年她的西貢大宅被爆格,被賊人抬走內藏價值300萬外幣首飾夾萬。假如我們持有逾十萬股票加現金,都可能唔介意放幾張大牛加一部任天堂Switch在家中書檯抽屜內。按此推斷,阿姐身家保守估計起碼過億。這數字又並非一味靠估,參考2012年成交,阿姐自住大宅至少值6000萬,持有廣播道尚御及西九柯士甸站 GRAND AUSTIN分別值3300萬及1400萬,加上另外兩個廣播道收租物業及九龍灣排舞室兼辦公室,單是磚頭已身家過億。

阿姐予人感覺較保守,投資磚頭亦反映此性格,她在2010年分享投資心得,就透露自己習慣支付三至四成首期,登台賺到額外收入後,更會提早贖樓,之後才物色下一個買樓機會。所以即使當年政府已收緊按揭成數,阿姐買樓都不會受到衝擊。

不過敢言又未必與身家成正比,去到過百億級別的富豪,生意規模大,講句說話都怕得罪人或惹輿論猜測,講話唯有「務虛」,多講「大家都為香港努力、共建和諧社會」等永遠正確的打氣話,至於真心話,就可能要回到家中關上書房門,再對著自己細細聲講了。

阿姐華麗走音

===============

財經精選資訊網站「中環街市」  臉書粉絲頁