香港股市 將在 6 小時 43 分鐘 開市

懷孕14周!Race宣布再佗B:今次有喘氣、惡心

·2 分鐘文章
好快就可以一家四口喇!
好快就可以一家四口喇!

前女子組合2R的Race(黃婉佩)與新加坡商人David Loh於2016年11月結婚,二人育有3歲大囡囡Cara,並齊齊定居,不知幾美滿!不過幸福事陸續有嚟,Race尋日就透過新加坡傳媒訪問時透露,佢同與老公再度造人成功,佗住第二胎嘅佢更已經懷孕14周,預產期為明年第一季。

Race向媒體表示,佢同老公一直都渴望為Cara添個弟妹,讓他們一起成長,因疫情關係二人冇得四圍飛,反而令Race覺得依家係懷孕最佳時候。雖然有過佗B經驗,Race指佗第二胎初期身體感不適,有時會因為說話太多影響呼吸、喘氣同惡心,但幸好依家已經過去。Race又透露今次佢口味完全改變,她以往愛吃蔬果和湯等,依家已經不合胃口,有時甚至唔知自己想食咩,更笑言若夜晚肚餓但又諗唔到想食咩,佢就寧願早啲上床瞓覺。

Race又稱因為佗大女Cara時要兼顧事業,忙得冇空餘時間,但佗今胎嘅空閒時間比較多,每次產檢後佢就將相關照片留低,再寫下記錄。Race更表示已經知道BB性別,但暫時只會告知身邊親友。

Race公開喜訊後,家姐Rosanne(黃婉君)已經火速恭喜阿妹,話最鍾意做Aunt,笑言叫阿妹畀多啲奶水BB,而好友黃依汶、衛詩及伍允龍等都留言祝賀

【相關搜尋】黃婉佩億元豪宅曝光