成都森林住宅無人入住 慘變蚊蟲樂園
世界各地都興起綠化建築,尤其係置放綠色植物融入住宅之中,希望可以綠化城市,等大家可以接觸大自然,多呼吸新鮮空氣。
中國大陸近年都不停有呢類綠化住宅出現,其中位於四川成都一個名為「垂直森林」嘅綠化屋苑「七一城市森林花園」就搵嚟意大利著名建築師設計,共由8棟30層樓宇組成,每家每戶都有一個大約40至100尺私家花園,並種有約20種植物,而屋宇外牆亦種植大量植物,令整棟大廈尤如一棵大樹,變成一個城市中嘅森林。
但屋苑入伙已久,一直僅有10多伙有人居住,其他地方又欠缺打理,久而久之竟然滋生大量蚊蟲,唔單止蚊蟲問題,同時亦有人擔心樓宇負重量及灌溉植物嘅水流問題。發展商就表示,全部單位合共826戶一早已賣晒,只係未入住,管理公司會派人清理蚊蟲,以免呢座綠化建築變成巨型蚊蟲樂園呢!
相關文章: