香港股市 將收市,收市時間:2 小時 3 分鐘

打工仔女5大Underpaid跡象

任打工仔女平時返工,最弊遇著「影帝級」老細,員工動向稍有風吹草動,便立即詐傻扮矇、裝聾作啞,最好永遠唔使加人工。

恰巧,有外國職場專欄道出打工仔女Underpaid跡象,唔想被人耍走,就要確認一下自己係咪真的Underpaid,咁先可以據理力爭,決心另謀出路。

1. 好多年無加過

通脹年年漲,人工卻一樣,點睇份糧都一定Underpaid啦。更過分係,有啲老細名義上升你職,人工只係象徵式加啲啲,但工作量卻暴增N倍,十分無良。

2. 同工不同酬

付出同回報唔成正比已經夠慘,仲要俾你知道,自己同Post同事嘅人工,竟然高過自己一截。明明做嘅嘢一樣,咁唔止係Underpaid問題,似係擺明恰你。

3. 別家叫價更高

得閒睇多啲求職網站,掌握行業動態。若見同行類似職位嘅人工,叫價比自己份糧高一大截,就係你份糧嚴重Underpaid了。

4. 公司賺錢無表示

年年賺大錢,盈利節節升,足以證明員工做得嘢,值得擁有更好嘅薪金和待遇。不過,若見公司經常增聘人手,卻對舊員工一啲表示都無,又對加薪和花紅「隻字不提」。只懂搵人著數嘅老細,不要也罷。

5. 太爽快答應加薪

當你有勇氣同老細反映,要求佢加人工,最後佢諗都無諗,就一口答應你。職場專家話唔好開心住,因為好大機會係你之前嚴重Underpaid,就算加埋俾你嘅增加幅度,都係Underpaid範圍內,所以佢先可以爽快答應。

愈中得多,代表你公司嘅庹縮功力愈強。遇有極不合理嘅待遇,需要正視同解決,而啞忍則等於助紂為虐,一齊向Underpaid說不吧。

來源:Insider

===================

19網輕鬆爆料熱線,歡迎舉報老細同事19惡行,立即click入去講畀我哋知啦

【相關搜尋】2018年人工指南