【扮工奇聞】當面搶同事Quota食Tea
最近上網睇到有打工仔爆料,話同事為咗食多份tea,竟然無所不用其極。
係咁嘅,好多時老細請食tea,都係搵個組長或主管拎張紙出來,叫大家填名點餐;該位打工仔因為老細請tea當日下午放假,所以一定食唔到,一早劃咗自己個名;正當佢想叫同事用佢Quota叫多份時,竟然已經有人立即用塗改帶,完全無問過佢,就幫佢重新點餐,諗住自己食兩份﹗
個案引起好大迴響,一來老細請食tea一年都無幾多次,二來不問自取,反映同事cheap,怕蝕低怕到咁。
有打工仔為佢抱不平,罵同事前世可能係窮鬼;有人仲爆料,試過公司大抽獎,成班同事幫人拎現金獎,但事後得獎同事拉埋升職同事話要「一齊請tea」,大大聲聲講無錢⋯⋯呢個世界,充斥著好多肉酸同事。
此情此景,小編唯有講一句,人哋cheap唔緊要,最緊要唔好整cheap自己~~
來源:baby-kingdom
===================
19網輕鬆爆料熱線,歡迎舉報老細同事19惡行,立即click入去講畀我哋知啦