香港股市 將在 6 小時 7 分鐘 開市

【扮工收風】你有無同事經常推job

朋友做管理層,佢最近遇到一個問題好困擾,就係佢發現後生同事好鍾意推job,派親咩job俾佢,都總有唔同理由拒絕,所以諗緊計應對。 

例如,就好似剛剛搞完annual report,後生同事已經多返推job,首先叫佢幫手核對有冇錯字錯資料,佢話因爲老闆用手mark changes,而唔係用word filemark,所以好難拎住兩份hardcopies去核對,就係咁而拒絕唔做。 

幾經辛苦做完annual report,趕住寄出去,但因為入面好多未出街嘅機密嘢,所以同事都要幫手pack 600幾本,OT在所難免,但後生同事一時話約咗人食飯唔pack嘢、一時又撥冷水話根本pack唔切,話不如延遲一星期先寄。 

最絕係上司叫佢一星期內執好份mail list,對好晒收件人嘅地址,後生同事諗都唔諗,一句話「一星期?做唔到喎!」又想推得一乾二淨。

因為公司一向請人好難,朋友一方面唔gur,一方面又驚啲後生同事會走,所以好多時都忍咗佢。但對於上司管理來講,呢類同事係咪應該早炒為妙?

===================

19網輕鬆爆料熱線,歡迎舉報老細同事19惡行,立即click入去講畀我哋知啦