香港股市 將收市,收市時間:4 小時 46 分鐘

【扮工收風】做廣告留堂到11點 同事話係「團隊精神」

做廣告業多諗頭,似乎唔少人都認同。但背後嘅辛酸,又有幾多人知。小編識得有大學畢業生入咗廣告公司做嘢,玩唔夠一星期已經急急腳遞信走,原因係接受唔到OT文化。

佢好奇怪點解做廣告嘅人明明做晒手頭上嘅工作,只係搞緊無聊嘢、吹緊無聊水,但都唔放工,講緊係已經夜晚11點。朋友都好直接問同事點解,佢哋解釋呢樣叫「團隊精神」,但好明顯係老闆未走,同事唔走。

第二個團隊精神就係食飯前「打邊爐」。同事拉大隊食lunch,第一件事係全部人要圍埋一齊煲支煙先,煲完先肯起步,完全係「志明與春嬌」電影情節,朋友完全適應唔到。

但去到開會,就可以冇晒團隊精神,不和、單打、互罵全部出晒嚟,完全係唔受控。

未夠一星期已經一次過感受晒廣告業靈感點樣嚟,所以朋友已決定回頭是岸,立即轉行。

===================

19網輕鬆爆料熱線,歡迎舉報老細同事19惡行,立即click入去講畀我哋知啦