香港股市 已收市

【扮工收風】公務員奇聞 輪流報警浪費警力

呢個世界最有恃無恐的工,一定係公務員,因為一旦入咗政府,其實政府想郁你都難。可能因為咁,最近同公務員朋友講開佢同事平日工作的事迹,都真係令人難以置信。

首先公務員朋友做嘅職位中游啦,起薪兩萬五左右,但同事好多已經係老屎忽,餘下嘅,有唔少行為都唔太正常。就好似同事返工等放工、推晒啲嘢俾同事做,已經叫好小兒科,最正係每一日都有一兩個同事受唔到精神壓力,一俾人鬧完就會走入廁所反鎖廁格,然後自己一個大叫五分鐘,同事們每次都俾佢嚇親。

又有同事一日唔埋,兩日就報警,而原因係同其他同事有口舌之爭,然後報警話「人身安全受到威脅」。一個報完,轉第二個同事「唔執輸」再報警,原因都係大同小異,話自己俾其他同事恐嚇,連主管都冇眼睇、冇晒佢地符。

如果各位打工仔聽過更荒誕的經歷,記得分享,唔好收收埋埋呀。

【相關搜尋】政府合署職員叫完32杯外賣收工全部唔要

===================

19網輕鬆爆料熱線,歡迎舉報老細同事19惡行,立即click入去講畀我哋知啦