【扮工收風】兼職經理收全職糧
辦公室從來冇「公平」兩字,只要老闆錫你,HR就唔敢郁你,下屬怕晒你,仲可以俾你為所欲為。
就好似朋友公司入面的經理一樣,因為要讀Part Time Master,所以竟然開口同老闆講,份工要轉Part Time,一星期返三日工。因為返工時間短,基本上在Office的大部分時間,都要走去開會,然後開完會,就隨手拋低一大堆paper work 「柯打」,要下屬封手尾,然後自己就放假去上堂。
基本上公司有呢個經理,其實同「停經」都冇咩分別。
最唔gur係,最近竟然從秘書口中得知,呢位「兼職經理」原來一直逗緊全職糧,因為要保住經理呢個title,公司一定要出全職糧,否則唔可以再叫「經理」呢個名銜。經過多番拉鋸之後,呢位「兼職經理」氹掂咗老闆,成功以「Home Office」呢個爛理由,保得住份人工同職銜。
結果引來下屬的不滿,周圍唱佢一星期返三日工,但逗足一個月糧。可恨的是,經理同老闆繼續當冇事發生,面皮厚過塊厚多士。
朋友就係一直等緊升經理個位,請問佢應唔應該走?因為佢就係日日幫「兼職經理」補鑊嘅人,升職唔到佢,但工作量擺明就係「經理級」難頂。
19+精選推介
秒like 19+ Facebook!
===================
19網輕鬆爆料熱線,歡迎舉報老細同事19惡行,立即click入去講畀我哋知啦