【扮工收風】千祈唔好得罪速遞員
小編有朋友做速遞公司,尋日返倉執貨,就見到以上呢個情景,於是立即影返張相,擺上facebook同一眾好友分享,仲話:「咁先係正確的工作態度!」
睇到呢幅相,我估大家都知發生咩事。冇錯,就係朋友有某同事聽電話時好遇到麻煩客,類似係話件貨件點解咁耐都未送到,然後就開始爆粗,仲問候埋速遞員屋企人,於是速遞員一怒之下,就在佢個貨件上寫上幾隻大字:「永不派送!」
速遞員寫完之後,即刻將貨件當係問題件處理,直接送返大陸集運點,坦言要客人鬧完人之後要付出代價。
估唔到好多朋友都大讚呢位速遞員做得好,仲話「老闆成日叫我哋忍吓,我們打工仔係時候要say no!」
諗諗吓,人稱「填海華」的劉德華嗰句:「客人永遠是對的」已經過時,反而「打工仔永遠是對的」先最符合現時「國情」。
鬼咩,打工仔乜都冇,心中剩係掛住個「做」字,大不了咪俾人炒,東家唔打咪打西家囉。今時今日,打工仔先係最有say!
===================
19網輕鬆爆料熱線,歡迎舉報老細同事19惡行,立即click入去講畀我哋知啦